丁加奴之旅（一）

10月6号 星期二

到达丁加奴时已经是夜晚的7点多了

响去梗丁加奴既路途上一咪响度凜，我以后既生活会系点。。。会习惯吗。。。。

凜到阿妈。。。。唔知自己做呢个决定系啱定错。。。。我真系好想做到可以咩起成头家既责任，可以照顾阿妈，唔洗佢再咁辛苦。。。。。但系真系好难做得到。。。。



嚟到宿舍，发觉呢度比自己想象中有好大既出入。响门外睇到时就有一种。。。。似废置咗既屋、无人打理既屋既感觉。

除咗对鞋踏入间屋既第一感觉系。。。“嗄。。。唔系呱。。。。呢间屋真系有人住既，定系上一手人搬净啲嘢既屋喔。。。？”

地下唔系咁干净，踩落去有点黐黐又有沙咁。

原本我地要训既果间房又漏水，灯又坏既开唔到，又无风扇。。。。最后我男朋友同佢supervisor都建议训住男朋友细佬间房先，迟啲再打算睇点样。

而佢细佬间房。。。同想象中既一样，乱、邋遢。男仔房都系咁架喇，已经有晒心理准备了。

而我最顶唔顺既就系果间厕所，好邋遢！！地下四个角都有灰尘，个坐厕仲要黄黄GE~~睇到入面仲核凸！啲“大事”仲响度游梗水GE！！

我男朋友问我：“做咩？好似好唔开心咁GEI？唔惯吖？”

同佢解释咗一轮，佢决定帮我洗干净个厕所。



我发觉我真系好小姐。。。。好似哩样唔得，果样又唔惯咁。。。。有时我都好嬲我自己咁麻烦。



而令我好感动既就系我响度怨梗呢度同我所想象既咁大出入，咁既环境我好唔想留系度既时候，我男朋友为我好努力咁洗干净个厕所。

当我睇到佢好努力咁擦干净个坐厕时。。。个一刻我真系觉得自己系好幸福。。。好幸运有呢个男朋友，佢真系好锡我。

我同我自己讲，佢对我咁好、咁锡我、咁为我，我唔可以咁容易放弃。
无论系要习惯哩度既生活定系呢段感情，都唔可以咁容易放弃。